Ég fann það um leið og ég gekk inn í Hjartastöðina í fyrsta skipti að þarna ætti ég heima. Hlýjan og einlægnin sem tók á móti mér var einstök og er það sem einkennir hjartastöðina hvað mest að mínu mati. Ég átti dásamlegan tíma í meðgöngu og mömmujóga. Ég elska að koma í jóga að næra líkama og sál og zumba til að fá gleði sprengju og frelsi og mun að sjálfsögðu halda því áfram eftir fæðingarorlof. Jóga og zumba er fullkomin blanda að mínu mati.

Ég var svo lánsön að kynnast Theu, fljótlega eftir að hún byrjaði að kenna jóga og undir hennar leiðsögn hef ég fundið mig í hreyfingunni, mýktinni og tjáningunni. Theu tekst með nærveru sinni, óbilandi áhuga á viðfangsefninu og vel valinni tónlist að fanga stemningu sem nærir sál og líkama. Alltaf hlý, brosmild, stutt í hláturinn og einlægur vilji til að gefa af sér. Tímarnir í Hjartastöðinni auðga sál og líkama. Þeir eru mannbætandi. Ekki kvöð heldur tilhlökkun. Þar finnur maður velvilja í garð allra og áhuga fyrir því fólki sem þangað kemur.