Línudansnámskeiðin hafa verið vinsæl frá því haustið 1995 þegar Jóhann Örn danskennari var fyrstur íslendinga til að kynna og kenna þessa skemmtilegu dansa í Reykjavík.

Hann kynntist línudansinum í herstöðinni í Keflavík þar sem fjöldi manns æfði og stundaði þessa skemmtilegu dansa í hverri viku. Síðan þá hafa þúsundir íslendinga stigið línudans, sumir bara einu sinni í skemmtilegu partýi, á dansleikjum með Jóa, Snörunum, Geirmundi Valtýs, Stuðmönnum, Farmalls og Ómari Ragnarsyni og ótal plötusnúðum eða í danstímunum sem í boði eru.

Línudans er frábær skemmtun, þrælgóð líkamsrækt og það er engin þörf á dansfélaga.