Meðgöngu jóga

Mér fannst eitt það besta við að verða ólétt í annað sinn að þá kæmist ég aftur á dýnuna

„Ég á þrjú börn og hef verið svo heppin að fara með þau öll í meðgöngujóga og mömmujóga hjá Maggý…Það er svo frábært að geta farið í Hjartastöðina og finna þar allt, meðgöngujóga, mömmujóga, almennt jóga og svo Zumba„

Ragnheiður Kristinsdóttir – www.dansogjoga.is/blogg-ragnheidur/

Dásamlegir tímar, frábærir og ráðagóðir kennarar, fyrirmyndaraðstaða og gott andrúmsloft

„Tímarnir í meðgöngujóga alveg dásamlegir, Maggý og Bryndís frábærar og kenna ekki bara jóga heldur koma með fullt af góðum ráðum varðandi meðgönguna og fæðinguna. Aðstaðan hjá ykkur til fyrirmyndar og gott andrúmsloft. Hlakka til að mæta með krílið mitt í mömnujóga“

Ásdís Geirsdóttir – www.ynjur.is

Gæðastund fyrir verðandi móður í Dans & Jóga Hjartastöðinni.

Í meðgöngujóga nær konan dýpri tengingu í gegnum fullkomna öndun. Tengingu við innri vitund sem þekkir meðgönguferlið svo vel. Með jóga ástundun eykst sjálfstraustið og konan öðlast tilfinningu fyrir að hafa stjórn og bera ábyrgð á sinni meðgöngu og fæðingu. Verðandi móðir gefur sjálfri sér, meðgöngunni og barninu fulla athygli. Því hver meðganga og fæðing er einstök upplifun.

Í tímunum myndum við lítið samfélag þar sem konurnar deila reynslu sinni og upplifun meðgöngunnar.

Í jógatímum er notast við kubba og bolta sem auðveldar konunni æfingarnar. Þar lærir hún ennfremur að dýpka öndunina (haföndun) sem færir henni öryggi, sveigjanleika og dýpri slökun.

Flestar konur byrja í meðgöngujóga á 16.- 20. viku. Gott er að leyfa þreytu- og/eða flökurleikatímabilinu að líða hjá.

Í tímunum er best að vera í mjúkum og þægilegum fötum, ekki er þörf á skóm.

ATH. Þar sem áhersla er lögð á öndun í tímunum er mikilvægt að vera ekki nýbúin að spreyja á sig ilmvatni!

Innifalið í verðinu er 10 tíma klippikort í opna tíma í Zumba, STRONG, línudansi og jóga á stundarskrá Dans & Jóga. Kortið er virkt sömu 6 vikur og námskeiðið stendur yfir.

Kennari í Meðgöngujóga er Bryndís Ólafsdóttir.