Við sérhæfum okkur í gleðinni

Við kennum dans og jóga, höldum partý, skemmtum, fræðum og veitum góða þjónustu.untitled-188-of-1393

Hér er listi yfir ýmislegt sem okkur dettur í hug að taka að okkur. Ef þú viltu biðja okkur um eitthvað sem ekki er á listanum þá getur vel verið að við getum það líka. Sendu okkur bara línu og við skoðum málið.

  • Zumba út um allt. Við tökum þátt í að skipuleggja Zumba partý á vinnustöðum, hjá íþróttafélögum, félagasamtökum ofl. ofl. Mætum svo á staðinn með allar græjur og stjórnum partýinu.  Myndin er frá vel heppnuðu Zumba partýi á heilsudögum í Actavis þar sem tæplega 100 starfsmenn dönsuðu í mötuneytinu.11012254_10204421896200241_1644794068_n
  • Sér danstímar, veislur, partý, uppákomur Við hittum hópa sem vilja sér danstíma, eitt skipti eða námskeið. Mætum í veislur, rífum upp partý og komum á óvart. Getum kennt hópnum eitthvað af námskeiðunum okkar, zumba, línudans, swing og salsa og líka svo margt annað eins og diskó, þjóðdansa, hip hop, break, riverdance eða hvað sem ykkur dettur í hug.
  • Við getum útvegað sal eða komið á staðinn.
    Dæmi : Vinnufélagar í óvissuferð koma við hjá okkur og læra línudans í 40 mínútur.
    Dæmi : Saumaklúbbur mætir með karlana til okkar á virku kvöldi og pörin læra salsa.
    Dæmi : Árshátíðin framundan og starfsmannafélagið býður öllum að mæta í danstíma og læra diskó dansa enda er Siggi Hlö að spila á ballinu
  • Jóga með Theu á ferðinni Ef vinnustaður hefur góða aðstöðu til að hafa jóga fyrir starfsfólkið getur Thea mætt að morgni eða í hádeginu og leitt hópinn í dásamlegan jóga tíma. Teyjur, jógastöður, öndun og slökun.
  • Dansnámskeið í skólum  Við getum búið til skemmtileg og árangursrík dansnámskeið fyrir nemendur leikskóla, grunnskóla og framhaldsskóla. Mætum á sal skólans með tónlist og fáum krakkana í dans.

  • Veislustjórn 
    Jói er þaulvanur veislustjóri og starfaði um árabil sem slíkur á Broadway og víðar.
    Á Þorrablóti Gróttu árið 2013 og aftur árið 2015 tóku Jói og Thea veislustjórnina saman og slógu í gegn. Dans og söngur var þema kvöldsins.1-48
  • Verkefnastjórn Eftir 20 ára starf í leikhús- og kvikmyndabransanum hefur Thea mikla innsýn og reynslu og Jói hefur starfað við verkefnastjórnun hjá Bylgjunni og fleiri miðlum 365 auk fjölmargra annarra verkefna um árabil.
    Það þarf að nýta þessa reynslu !
  • Kynningarmál Jói starfaði frá árinu 2000 sem kynningarstjóri Bylgjunnar, FM957 og X977 og hefur því mikla reynslu í auglýsinga, markaðs og kynningarmálum.
    Hafsjór af reynslu og góðum hugmyndum !

Skildu eftir svar

Netfang þitt verður ekki birt. Nauðsynlegir reitir eru merktir *